ഇനിയീ അടര്ക്കളത്തിലിടറി വീഴാ-
മൊടുവിലെ ആയുധവും തകര്ന്നു പോവേ...
ഇനിവരും കുന്തമുന നെഞ്ചിലേറ്റാം -
പരിചതന് പിടിമാത്രം കൈയിലാകേ...
ഇനിവരും ശരമുന ശിരസ്സുപിളര്ക്കാ -
മൊരു നൊടിയിട മാറാനാവാതെ നില്ക്കേ...
ഇനിയൊരു വാളിനാല് ഗളംമുറിയാ -
മിരുകണ്ണിലിരുട്ടിന്റെ നിഴല് പരക്കേ...
ഇനിയീ നിനവുകള് പകലിന്റെ ദ്യുതിചേര്ത്ത് ഹൃത്തില്
ഇനിവരുമിരവിനു വെളുപ്പേകുവാനായ് കാത്തുവെയ്ക്കാം...