Sunday, August 5, 2007

പൂവുപോല്‍.....

പൂവുപോല്‍,പൂമ്പട്ടുപോലെന്‍-
കിനാക്കളില്‍ മധുചഷകമായി നീ...
രാത്രിമുല്ലതന്‍ സുഗന്ധംപോലെന്‍-
മനസ്സില്‍ വീശിയണഞ്ഞു നീ....
ഒരു തൂവലാലൊത്തിരിയെന്‍-
ഹൃദയത്തില്‍ പേരുകുറിച്ചു നീ..
നൊമ്പരക്കാറ്റിനോടേറ്റു തളര്‍ന്നൊരെന്‍-
ആശതന്‍തിരിയണയാതെ കാത്തു നീ...
വിജനമാമെന്നകത്തളത്തിലെന്‍-
പടിവാതിലിലാരുമറിയാതെ വന്നു നീ...
മഞ്ഞുപുതച്ച പുലരിപോലെന്‍-
നടവഴിയില്‍ കാത്തുനിന്നു നീ...
ആദ്യദര്‍ശനത്തില്‍ പോലുമെന്‍-
ഓര്‍മയിലെന്നോ പരിചിതയെന്നുതോന്നിച്ചു നീ..
പതിയെ മുകില്‍മാനത്തമ്പിളിപോലെന്‍-
കാഴ്ച്ചയില്‍നിന്നു മറഞ്ഞു നീ...
കരളില്‍ തിരുമുറിവാര്‍ന്നൊരെന്‍-
ജീവനില്‍ വിഷാദമധുരമാം നോവുപടര്‍ത്തി നീ...