Tuesday, March 17, 2015

മഴയെത്തും മുൻപേ

ഒരു വെയിൽ മഴ നനയാൻ
കാട്ടുപച്ചയിൽ കാത്തിരിക്കുന്നു
മഴ നനഞ്ഞീറനാവും മുൻപേ
മഴക്കുളിർ ചൂടി ഓടുന്നുണ്ട് ഒരു കാറ്റ്
മഴ ഒപ്പമെത്തിയോ
എന്ന് നോക്കിയതിനാലാവണം
കാട്ടുമുളയിൽ കാറ്റ് തട്ടി വീണതും
മുള കരഞ്ഞതും
കുളിർന്നു പച്ചയാവാൻ കൊതിച്ചാവണം
കരിയില കാറ്റിനൊപ്പമിങ്ങിനെ
മഴയ്ക്ക് വഴിയൊരുക്കാനോടുന്നതും
ഒരു വെള്ളിടി വഴിപാടിൻ
തിരികൊളുത്തി
മഴ പൂക്കൾ വിതറും വരെ
എന്തെന്തോരാധി ജിജ്ഞാസയീ
മഴവരും നേരമിപ്പോഴും

No comments:

Post a Comment