Wednesday, March 18, 2015

ചില സത്യങ്ങൾ

നീ പറയുന്ന ചില സത്യങ്ങൾ
നുണയാണെന്ന് കരുതാനാണ്‌
എനിക്കിഷ്ടം
നീ അവിടെയാണെന്നും
ഞാൻ ഇവിടെയാണെന്നും
നമ്മൾ തനിച്ചാണെന്നും
നമുക്കിടയിൽ കടലുകളോളം
ദൂരമുണ്ടെന്നും
നമ്മൾ ചുംബിക്കുന്നില്ലെന്നും
അങ്ങിനെ നമുക്ക് തോന്നാത്ത
സത്യങ്ങളെല്ലാം നുണകൾ
എന്നിട്ടും പെണ്ണേ,
എന്റെ ഒരൊറ്റ ശ്വാസത്തിനിടക്കെത്ര
നീയാണ് എന്നിൽ നിറയുന്നത്

No comments:

Post a Comment