Wednesday, March 18, 2015

നീയും ഞാനും

അന്ന് നീയും ഞാനും
തൈകളായിരുന്നു
നീ പനിനീര്‍ ചെടി 
ഞാന്‍ വേപ്പില
നിനക്ക് വെള്ളമൊഴിക്കാന്‍
ആളുകള്‍ ഏറെ
എനിക്ക് വെള്ളമൊഴിച്ചവര്‍
എന്നെ നുള്ളിത്തീര്‍ത്തു
നിനക്ക് പൂവരുന്നതും കാത്ത്
നിന്നെ പരിചരിക്കുന്നവര്‍
കൂടിയതേ ഉള്ളൂ
പിന്നെ നീ മൊട്ടായി
പൂവായി
നിനക്ക് ശലഭങ്ങളായി
അവരുടെ കഥകളായി
നീ ഒരു പനിനീര്‍ ലോകമായി
ഞാനിപ്പോള്‍
ഒരൊറ്റയില പോലും
ബാക്കിയില്ലാത്ത
പതനം കാത്തു കിടക്കുന്ന
ഒരു പാഴ്ചെടി

No comments:

Post a Comment