Tuesday, March 17, 2015

അച്ഛൻ പ്രസവിച്ചു

അച്ഛൻ പ്രസവിച്ചു
അമ്മ പ്രസവമുറിയുടെ
മുൻപിൽ അക്ഷമയോടെ
ഉലാത്തുകയായിരുന്നു
അമ്മായി കാജാ ബീഡി
ഒരു കേട്ടോളം
വലിച്ചു തീർത്തിരുന്നു
മൂന്നാമത്തേതാണ്
ഇതും ആണ്‍കുട്ടി തന്നെ
തുണിയിൽ പൊതിഞ്ഞ കുഞ്ഞിനെ
അമ്മയ്ക്ക് കൈമാറുമ്പോൾ
മെയിൽ നേഴ്സ് ചോദിച്ചു
'' നിർത്തണോ ...? ''
ഒരു പെണ്‍തരിയെങ്കിലും വേണ്ടേ
തറവാട്ടിന് കാരണോത്തിയായി
അമ്മ വിസമ്മതിച്ചു
പുരുഷ സമത്വത്തിന്റെ
ഒരു ജാഥ ആശുപത്രി ക്ക്
മുൻപിലൂടെ കടന്നു പോയി

No comments:

Post a Comment