ജീവിതം

ജീവിതം
വളഞ്ഞ് പുളഞ്ഞ്
വയനാട് ചുരം
കയറിക്കൊണ്ടിരിക്കുന്നു

ഇടയിൽ വിശ്രമിക്കുമ്പോഴും
വഴി വക്കിലുള്ളവരെ
കൂടെ കൂട്ടുമ്പോഴും
കൂടെയുണ്ടായിരുന്നവർ പലരും
ഇറങ്ങിപ്പോയപ്പോഴും
യന്ത്രം പ്രവർത്തിച്ചു കൊണ്ടേ ഇരുന്നു

സ്വപ്നങ്ങൾ
ഇടക്കെപ്പോഴോ കൈവിട്ടു പോയ
ഹൈഡ്രജൻ ബലൂണ്‍ പോലെ
ആകാശ സഞ്ചാരത്തിലാണ്

ഇടക്ക് മൂടൽ മഞ്ഞിൽ മറഞ്ഞും
ഇടക്ക് വെയിലിൽ തെളിഞ്ഞും
അങ്ങിനെ അങ്ങിനെ

ഇന്ധനം തീരുവോളം
യന്ത്രം നിലയ്കുവോളം ഈ യാത്ര