Wednesday, February 19, 2014

പെണ്ണ് + ഇര = പെണ്ണിര

പെണ്ണേ ,
നഗരം ഒരു കാടാണ്
ആകാശം മുട്ടെ നിൽക്കുന്ന
കോണ്‍ക്രീറ്റ് മരങ്ങളിൽ
നന്മ പൂക്കുന്നേ ഇല്ല

പാതവക്കിലൊരു
വിഷസർപ്പത്തിന്റെ
സാന്നിദ്ധ്യം വിളിച്ചു കൂവാൻ
ഒരു കിളി പോലുമില്ല

പെണ്ണേ,
നീയിവിടെ
ആദിമ യുഗത്തിലാണ്
പരസ്പരം കൊന്നു തിന്നിരുന്ന
മൃഗങ്ങൾക്കിടയിലാണ്

എപ്പോഴും
ചാടി വീണേക്കാവുന്ന
വേട്ടനായ്ക്കളുടെ
ചങ്കിൽ കയറ്റാൻ
ഒരു കരിങ്കല്ല്
കരളിലിട്ട് കൂർപ്പിച്ച്
കയ്യിൽ കരുതുക

1 comment: